Во битолско се работи на реконструкција на улици во селото Трн
Денеска битолскиот градоначалник изврши увид во градежните работи на реконструкција на улици во селото Трн. Реконструкцијата опфаќа пет улици со вкупна должина од 1021,14 метри, сите широки по 3,5 метри и банкини од двете страни широки од 50 см.
Вкупната вредност на проектот е 7.181.218 денари, а средствата се обезбедени од Министерството за транспорт преку вториот владин повик. Со ова ја подобруваме патната инфрастуктура и во руралните средини, а како Општина остануваме посветени на подобрување на условите за жителите на Општина Битола – порача градоначалникот Коњановски.
