Тимот што победува – не се менува! Вчера вечерта, вработените во НУЦК Марко Цепенков прославија 45 години успешно постоење на Центарот за култура
Во ликовниот салон (фоаје) во Центарот за култура „Марко Цепенков“ во Прилеп, вчера вечерта во 18:30 часот, беше отворена изложбата на дела од Ликовната колонија „Дрен 2024“, а воедно имаше и свечен коктел каде вработените во НУЦК Марко Цепенков и нивните пријатели прославија 45 години успешно постоење на Центарот за култура.
Во овој роденденски месец во НУЦК “Марко Цепенков” – Прилеп, веќе се реализираа десетина концерти, а следуваат уште концерти, проекција на филмови, изложби, театарски претстави и одбележување на 70-годишнината од издавањето на Списанието за литература, уметност и култура „Стремеж“.
