Со цвеќе и почит во Битола се одбележа 154 роденден на великанот Гоце Делчев
Денеска битолскиот градоначалник Тони Коњановски положи свежо цвеќе пред Спомен куќата на великанот на македонската национална борба Гоце Делчев, кога се одбележува 154 години од раѓањето на македонскиот револуционер, визионерот, кој пред повеќе од еден век го разбра светот како поле за културен натпревар на народите.
„Делото на Гоце Делчев е дело кое заслужува вечна почит, но истовремено не обврзува и не насочува кон она што мора да бидат нашите чекори во денешнината со кои ќе ги почитуваме и негуваме нашите јазик, култура, писмо и традиција, продолжувајќи со работа и посветеност за иднината на Македонија“.
