СЕ ИСТРАЖУВААТ ДВЕ ГРОБНИЦИ: Ќе се претвори ли Прилеп во нова туристичка дестинација?
Во тек се заштитни археолошки истражувања на локалитетот Мечкина дупка во месноста Заград, Прилепски Варош, кои се во рамки на годишната проектна програма на НУ Завод и Музеј – Прилеп.
Се истражуваат две гробници изделкани во карпа кој што датираат во II век пред нашата ера, за време на последните Македонски кралеви Филип V и Персеј.
Овој тип на гробници имаат три градежни елементи: влезен коридор -дромос, преткомора и комора. Во нив се погребувале луѓе кој имале повисок општествено политички статус.
Вчера на терен беа присутни и претставници од Управата за заштита на споменици кои исто така извршија увид во археолошките истражувања.
“Општина Прилеп во рамките на своите можности и надлежности секогаш ќе ги поддржува арехолозите и екипите на Музејот од Прилеп се со цел во иднина да добиеме што повеќе локалитети, кои би можеле да бидат отворени како јавни културно историски споменици и туристички дестинации” – истакнуваат од страна на Општина Прилеп.
