СЕ БАРА “БИЛЕТ ПОВЕЌЕ”! Цел Прилеп ќе биде дел од манифестацијата “Најдоброто од Прилеп”
Најдобрите групни точки на најмладите од Прилеп од 4 до 7 години ќе бидат дел од најголемата завршна детска манифестација “Најдоброто од Прилеп”, која ќе се случи на 18-ти јуни во 20 часот во НУЦК Марко Цепенков. До сега има пријавено голем број на учесници, а според правилата групите за пријавување се создадени од најмалку 25, а најмногу до 60 учесници од група. Од страна на организациската продукција, сите учесници на оваа манифестација ќе бидат наградени со поединчени дипломи.
На манифестацијата “THE BEST OF PRILEP” оваа година ќе биде весело, распеано и разиграно. Се гледаме на 18-ти јуни во НУЦК Марко Цепенков во Прилеп, за да ги подриме нашите најмили, а за овој спектакуларен настан постои огромна заинтересираност, и постојано се бара “билет повеќе”. Затоа, додека сеуште има билети, набавете си, и бидете дел од овој голем детски спектакл.
