ОВОЈ ПЕТОК: Во прилепските храмови за последен пат во овие пости ќе се пее петтолебие

Сподели го ова:























Овој петок 01.03.2023 година во 17 часот во прилепските црковни храмови, за последен пат во овие пости ќе се пее Петтолебие. Во “прилепски параклис” и црквата св. Петка во нас. Точила, овој петок вечерната служба започнува во 17 часот.

Во текот на великиот пост, во петоците кога се чита Акатистот на Пресвета Богородица, верниците носат петолебие (пет лепчиња),вино, масло, и пченица за благослов на семејството, градот и државата. Светите отци за Петолебието велат: „ Овој, пак, благословен леб има разни дарови, ја прекинува температурата, кога се прима со вода, ја прогонува секоја ужасна слабост и кон рожба поттикнува“. Слично зборува и свети Симеон Солунски: „ На оној кој ги прима со вера( лебовите и виното), му пренесуваат благодат, исцеление и други дарови“.

Значи, голем благослов е овој леб од петолебието и треба да го примаме со вера. Но, да не го сведеме нашиот духовен живот само на обреди, туку должни сме како христијани да постиме, да се молиме, да се исповедаме, да се причестуваме, да доаѓаме редовно во црква, да бидеме почесто во друштво на ангелите и светителите кои се присутни во храмот, и тогаш сите обреди ќе дејствуваат на нас и ќе ни бидат за здравје и спасение. Амин.



Сподели го ова:

Слични објави