Никогаш да не се повтори! Точно една година од пожарот и жртвите од Кочани
Денеска околу два часа по полноќ, поточно во 2 часот и 32 минути, со една минута молк пред дискотеката Пулс во Кочани беше оддадена почит на трагично загинатите во пожарот каде животот го загубија 63 лица, а околу 200 беа повредени.
– Да застанеме заедно во тишина за нашите 63 ангели. Во 02:32 часот, моментот што засекогаш го промени Кочани, ќе оддадеме почит со минута молк. Нека светлината сведочи дека не забораваме. Нека тишината зборува за љубовта што останува, истакнаа од здружението на граѓани „16 Март 2025“
