На 108 години почина најстарата битолчанка Рејчел Нахмијас
Викендов кој измина донесе жална вест! Имено, почина најстарата битолчанка Рејчел Нахмијас на 108 годишна возраст. Нахмијас е родена во далечната 1917 година во Битола, тогашен Монастир.
Животниот пат на Рејчел Нахмијас е целосно сведоштво за Битола и нејзината еврејска заедница. Рејчел беше единствениот преживеан член од нејзиното семејство по Холокаустот.
Рејчел ќе остане запаметена по нејзината неисцрпна инспирација, како и по многуте нејзини активности поврзани со битолското еврејско наследство и Македонија.
