Крушевскиот градоначалник со внимание ја следеше театарската Божикна претстава која беше изведена во храмот Св.Никола во Крушево
Во храмот Св.Никола во Крушево беше изведена претстава со сенки, од страна на учениците од основното училиште Никола Карев по менторство на наставничките Надица Нане и Елена Тана, посветена на раѓањето на Исус Христос.
Преку игра на светлина и сенки, децата на креативен и впечатлив начин ја пренесоа библиската приказна за Божиќ.
Претставата зрачеше со топлина, тишина и духовност, а секоја сцена носеше силна порака за љубов, надеж и мир.
