Гордо и достоинствено СОУ „Ристе Ристески – Ричко“ го прослави својот патрон празник
Денеска СОУ „Ристе Ристески – Ричко“ го прослави својот патрон празник. Преку богати и внимателно подготвени пригодни програми, културно-уметнички изведби и свечени обраќања, беше истакнат ликот и делото на патронот.
Во оваа пригода беше потенцирана улогата на училиштата како темелни институции во градењето на личноста, знаењето и вредносниот систем кај младите, како и континуираната поддршка што Општина Прилеп и Советот на Општина Прилеп заедно ја обезбедуваат за унапредување на условите за образование, модернизација на наставата и создавање квалитетна и поттикнувачка средина за учениците и наставниот кадар.
