ДАР ЗА СЕКОЕ ДЕТЕ – утре на св. Никола во црквата св.Петка во Прилеп
Со голема радост, храмот „Св. Петка“ ги известува најмладите прилепчани дека по повод патронот на нашиот град, св. Николај, во храмот св. Петка во Прилеп ќе се отслужи Божествена Литургија и секое дете што ќе присуствува или ќе се причести на Светата Литургија ќе добие на подарок примерок од книшката „Приказна за Св. Никола“, која е адаптирано житие на светителот. Оваа книшка е плод на успешната соработка меѓу нашиот храм и ООУ „Блаже Конески“.
Ги покануваме сите деца, заедно со своите родители, баби, дедовци и најблиски, да дојдат и заеднички да го чествуваме закрилникот на нашиот град – Св. Никола, архиепископот Мирликиски и чудотворец.
Нека Божјиот благослов и заштита на св. Никола бидат со сите нас!
Храм „Св. Петка“ – Прилеп
