После силното невреме кое синоќа ја зафати Битола, Јавните Препријатија ги санираат штетите
После силното невреме кое синоќа ја зафати Битола и околината со над 40 л/м2, екипи на Јавните претпријатија Нискоградба, Водовод и Комуналец со својата оператива се на терен во санирање на штетите. Силните и интензивни врнежи помеѓу 22.00 и 01.00ч. направија оштетување на коловозот во дел од населбите Баир, Бадембалари, на улиците Дебарска, Бихач и Караорман. Дел од оперативата работи и на потегот Кравари и Бистрица.
Градоначалникот Коњановски заедно со директорите е на терен, со цел координирање и санирање на состојбите.
