Премиерот Мицкоски го пушти во употреба експресниот пат Фариш- Дреново, во вредност од речиси 45 милиони евра
Денеска, нешто околу 12 часот премиерот Христијан Мицкоски и Министерот за транспорт и врски, Александар Николоски, го пуштија во употреба експресниот пат Фариш- Дреново, во вредност од речиси 45 милиони евра
„Кога велиме „Ги градиме темелите на промените“, тоа не се само празни зборови. Тоа се токму проекти како овој, патишта како овој. Тоа се училиштата кои ги обновуваме. Болниците што се реконструираат.
Тоа е новата економија, новата индустрија, новите работни места што се отвораат.
И тоа е новото време- време на одговорност, време кога ќе градиме, наместо по принципот како до сега кога крадеа. Доаѓа времето на Македонија“ изјави премиерот Мицкоски.
