Крушевчани ќе го одбележат празникот посветен на светата вмч. Недела, во параклисот кој го носи името на оваа голема светителка
На 19-ти јули (петок), во навечерието кога го празнуваме споменот на светата великомаченика Недела, во параклисот посветен на оваа светителка, во 17:00 часот ќе се отслужи Вечерна богослужба со благословување на петтолебијата.
Утредента, на 20-ти јули (сабота), во истиот параклис, ќе се благословат празничните колаци и ќе се изврши мал водосвет, со почеток од 10:30 часот.
По молитвите на светата вмч. Недела, Господи Исусе Христе, Боже нас, помилувај нè нас грешните – стои во соопштението од овој црковен храм.
