Жителите од прилепската населба Жабино Маало, го одбележаа празникот со посна трпеза, топли напитоци и искрени желби за здравје, среќа и успех
Денес, еден ден пред големиот христијански празник и градска слава Свети Никола, традиционално започна одбележувањето на патрониот празник на нашиот Прилеп.
Во населбата Жабино Маало, како и секоја година, жителите од оваа прилепска населба го одбележаа празникот со посна трпеза, топли напитоци и искрени желби за здравје, среќа и успех, негувајќи ја традицијата и духот на заедништвото што го карактеризира нашиот град.
