Вистински рокенрол вечерва на Камената бина во Прилеп: “The Schmucks” ќе се претстават со свој трибјут на “CREEDENCE”
Од 0 до КултурА
04 јули 2024г 21.00ч Камена бина
The Schmucks …TributE to CREEDENCE
Ако сте за супер забава и одличен рокенрол тогаш ја имате новата генерација на овој вид на музика.Тоа е бендот “The Schmucks” , прилепски деца кои едноставно го сакаат овој ритам и уживаат кога ќе ги реализираат своите креативни идеи.Михаил , Кирил , Филип , Андриано и Дамјан го создадоа својот “Chaos” , музички запис кој си има и свое видео кое вирално и се споделува на социјалните мрежи. Оваа прилепска музичка атракција која свири засега во Прилеп , Битола, Крушево и Охрид, својот прв настап го имаше во 2020 година и тоа на хуманитарна акција во кругот на новата автобуска станица во Прилеп.Во бендот ” The Schmucks ” можете да ги видите : Дамјан Ристески ( тапани ) , Андриано Чолакоски (бас гитара) , Филип Ристески (бас гитара) , Кирил Трајкоски ( ритам гитара) и Михаил Јагуриноски ( вокал – главна гитара).
