Убави вести од Крушево! Оваа година за разлика од лани, има зголемен број на првачиња
Во Крушево започна новата учебна година. За учениците, нема подобра алтернатива од настава во училница, бидејќи само така ќе стекнат повеќе и поквалитетни знаења, а интеракцијата со врсниците и со наставниците е од големо значење за нивната социјализација и правилен психофизички раст и развој.
Во Општина Крушево, се создадени сите неопходни услови за успешен почеток и тек на наставата.
Учебната година започна со надеж за остварување на високи образовни резултати како од страна на наставниците, така и од страна на учениците. Она што особено радува е фактот дека оваа учебна година во Крушево се запишани 12 првачиња повеќе од лани. Имено, минатата учебна година во училиштата на територијата на Општина Крушево биле запишани вкупно 50 првачиња, а оваа година бројката е зголемена за нови 12 ученици, односно вкупно 72 првачиња кои денеска седнаа во училишните клупи во Општина Крушево (52 првачиња во централното ООУ Никола Карев, а 20 првачиња во подрачните училишта во Крушево).
