СЕКОЈА ЧЕСТ! Ваква уметност во Нови Сад може да прикаже само прилепскиот народен театар! Честитки!
Театарот „Војдан Чернодрински“ од Прилеп со претставата „Аудиција“ од Галин, во режија на Владимир Милчин, синоќа настапи на 11. Амбиентален театарски фестивал „Нови Тврдина Театар“, во Чортановци, во близина на Нови Сад.
Прилепскиот театар настапи во вила „Станковиќ“, која од неодамна е промовирана како нова амбиентална театарска сцена, во конкуренција со други пет претстави на театри од регионот.
Во претставата играат: Марија Спиркоска Илијеска, Даниела Иваноска, Ангела Наумоска, Сара Спиркоска, Јасмина Мицовска Станкоска, Наташа Ачански, Илија Волчески, Александар Тодески, Игор Трпчески, Зоран Иваноски и Михајло Миленкоски.
Мотото на фестивалот годинава е „Смета ли иднината на нас?“. Уметнички директор на фестивалот е Вида Огњановиќ, претставите селектирани на фестивалот зборуваат за проблемите на човекот денес.
