Секоја чест! Уште еден медицински подвиг во прилепската болница! Денес успешно беше изведена втора операција на рбет во прилепската болница
Со особено задоволство ја информираме јавноста дека денес, во прилепската болница беше успешно изведена втората сложена хируршка интервенција на рбетниот столб, повторно на лумбалниот сегмент. И оваа интервенција претставува важен чекор во континуитетот на развојот на ортопедско-хируршките услуги во нашиот регион.
Операцијата беше реализирана од Д-р Игор Мерџановски, во координација со колегите од Клиниката за ТОАРИЛУЦ, тимот од Одделението за ортопедија и трауматологија при болницата во Прилеп, како и анестезиолозите Д-р Маргарита Пирганоска и Д-р Александар Димитровски. Интервенцијата помина успешно, уредно и без компликации.
На пациентот му посакуваме брзо и целосно закрепнување. Со оваа втора успешно изведена операција, уште еднаш ја потврдуваме нашата посветеност кон децентрализација на здравствените услуги и обезбедување квалитетна здравствена грижа поблиску до пациентите – истакнаа од болницата.
