ПРОДАНОСКИ И РИСТЕСКИ ВО ПОСЕТА НА ДНЕВНИОТ ЦЕНТАР ЗА ЛИЦА СО ИНТЕЛЕКТУАЛНА ПОПРЕЧЕНОСТ ,,ЅУНИЦА” И ДНЕВНИОТ ЦЕНТАР ЗА ЛИЦА СО ЦЕРЕБРАЛНА ПАРАЛИЗА
Прилепските пратеници од редовите на ВМРО-ДПМНЕ, Дејан Проданоски и Петар Ристески, беа во посета на дневниот центар “Ѕуница”, и дневниот центар за лица со церебрална парализа во Прилеп.
“Дневните центри како што е “Ѕуница” играат витална улога во животите на лицата со интелектуална попреченост и оние со церебрална парализа. Овие центри обезбедуваат сигурно и поддржувачко опкружување каде корисниците можат да учат, да се социјализираат и да се развиваат.Новогодишните пакетчиња и вниманието за овие лица се само дел од аспектите кои влијаат на квалитетот на живот на лицата со интелектуална попреченост и оние со церебрална парализа. Заедничките напори на сите засегнати страни се неопходни за да се создаде општество во кое сите имаат еднакви можности” – порача Проданоски.
