Од денес бензините поскапуваат за 7 денари по литар, а дизелот за 6,5 денари/ литар
Регулаторната комисија за енергетика, водни услуги и услуги за управување со комунален отпад (РКЕ) донесе одлука за нови максимални малопродажни цени на нафтените деривати, кои ќе важат од 17 март 2026 година од 00:01 часот. Со новата пресметка бензините и екстра лесното масло поскапуваат за 7 денари по литар, дизелот за 6,5 денари по литар, додека мазутот се зголемува за 4,867 денари по килограм.
Според одлуката, максималната цена на ЕУРОСУПЕР БС-95 ќе изнесува 86,50 денари за литар, додека ЕУРОСУПЕР БС-98 ќе се продава по 88,50 денари за литар. Цената на ЕУРОДИЗЕЛ БС (Д-Е V) ќе биде 92,00 денари за литар, а Екстра лесното масло за домаќинство (ЕЛ-1) ќе изнесува 89,50 денари за литар. Цената на мазутот М-1 НС е утврдена на 47,453 денари за килограм.
