Јовчески и Проданоски по повод денешниот празник “Томина недела” ги посетија црковните храмови во с. Беровци и с. Дрен
По повод денешниот празник Томина недела, прилепскиот градоначалник Борче Јовчески и претседателот на Совет на Општина Прилеп Дејан Проданоски го посетија црковниот храм ,,Воскресение Христово” во с. Беровци, како и манастирот ,,Св. Илија” во Дрен, при што истите беа поздравени од страна на големиот број на верници кои им посакаа срдечно добредојде.
Имено, денешниот празник Томина Недела кој што кај народот е попознат како Мал Велигден е голем и значаен христијански празник, кој што секоја година се прославува во првата недела по Велигден. Овој празник исто така е посветен на светиот апостол Тома.
