Градоначалникот Проданоски: Успешно го реализиравме првиот приемен ден со граѓаните
Денеска во просториите на Општина Прилеп, прилепскиот градоначалникот Дејан Проданоски го реализираше првиот приемен ден со своите сограѓани каде што слушна голем број на идеи, проблеми и решенија предложени од прилепчани за подобар Прилеп.
На првиот приемен ден во Општина Прилеп, имав можност лично да разговарам со голем број наши сограѓани. Слушнавме конкретни идеи, предлози и проблеми, притоа си презедовме обврска за нивно навремено и реално решавање. Ова е само почеток на една нова, поотворена и потранспарентна практика во работењето на Општината. Ќе продолжиме со ова темпо, затоа што секој глас, секој предлог и секоја иницијатива од граѓаните се важни за подобар и поубав Прилеп.
Ве охрабрувам сите кои имате потреба или идеја за подобрување на нашата локална заедница, да закажете средба на телефонскиот број 076 22 99 15 и да разговараме отворено и искрено. Заедно градиме подобар Прилеп! – порача Проданоски.
