Директорот Илковски го пречека шпанскиот амбасадор во битолскиот Центар за култура
Вчера во малата сала на Центарот за култура се одржа проекција на филмот „Шампиони“ (Campeones) на која присуствуваа ученици од основното училиште со ресурсен центар „Кочо Рацин“ и ДСУРЦ „Св. Наум Охридски“ – Скопје (дисперзирани паралелки во Битола).
На проекцијата присуствуваше и Амбасадорот на Кралството Шпанија, Неговата Екселенција господинот Рафаел Сориано Ортиз, кого во Центарот за култура го пречекаа директорот Сашо Илковски и стручен соработник.
Настан исполнет со емоции, насмевки и топлина, кој нè потсети дека храброста, радоста и љубовта кон животот се најголемите човечки вредности.
фото: FB – Центар за култура Битола
