Директорот Алексовски: Тутунски Комбинат денеска го започна откупот
Генералниот директор на Тутунски Комбинат-Прилеп Александар Алексовски, денеска одржа прес конференција на која соопшти убави вести за тутунопроизводителите. Врз основа на изјавата на Алексовски, денеска Тутунски Комбинат -Прилеп го започна откупот на тутунот за оваа година, при штом истакна:
Во радовишко имаме 6 пунктови кои активно работат и откупуваат тутун, во прилепскиот регион имаме отворено 10-тина пунктови… Исто така опфатен е градот (Прилеп) и сите околни населби заедно со селата во прилепско, долненско, демирхисарско и битолско…. Тутунски Комбинат е спремен наредна недела да ги отвори сите останати откупни центри и до 15 декември ќе ги отвориме сите! Нашиот таргет за годинава е да откупиме се што имаме договорено со кооперантите – нагласи деректорот Алексовски.
На денешната прес конференција Алексовски потенцираше дека Тутунски Комбинат-Прилеп има обезбедено парични средства за откупутот на тутунот, при што нагласи дека доколку понатаму дојде до покачување на цената на откупениот тутун, кооперантите кои што го имале предадено тутунот пред покачување на цената, истите ќе бидат ретроградно исплатени!
Тутунски Комбинат има обезбедено парични средства за сите овие предвидени килограми, а исто така сакам да потенцирам дека на денешниот Борд на директори, е донесена одлука при што доколку дојде на покачување на цената на откупениут тутун во иднина, сите кооперанти кои што веќе предале тутун ретроградно ќе им биде исплатена разликата. Врз основа на оваа, сметам дека кооперантите доколку се спремни, можат да го донесат тутунот при откупните центри во Тутунски Комбинат-Прилеп – порача директорот Александар Алексовски.
Целосната негова изјава, ќе ја прикажеме во следните наши објави.
