Денеска во 12:00 часот во центарот на Прилеп започнува дефилето на Прилепскиот карневал
Денеска во 12:00 часот во центарот на Прилеп започнува дефилето на карневалот кој што својот официјален почеток ќе го има пред Домот на културата ‘Марко Цепенков’, од каде што потоа ќе се упати кон поставената бина на плоштадот ‘Методија Андонов Ченто’. За да карневалот биде поспектакуларен од Општина Прилеп најавија и присуство на кловнови, жонглери и акробати. Оваа година карневалот е збогаден и со музички дел, при што во 13:30 часот на главната централна бина концерт ќе одржи популарната група “Фолтин”. Се гледаме на карневал!!!
