Денес во Прилеп беше отворена изложбата „ВЕЧИТО“, посветена на архитектот Богдан Богдановиќ
Денес во Прилеп беше отворена изложбата „ВЕЧИТО“, посветена на архитектот Богдан Богдановиќ, визионер чија уметност остави длабока трага во културната и меморијалната архитектура на поранешна Југославија.
Во година кога одбележуваме 100 години од неговото раѓање, 65 години од иницијативата за подигање на „Могилата на непобедените“ во Прилеп и 80 години од победата над фашизмот, ја славиме симболиката на слободата, човечноста и сеќавањето.
„Могилата на непобедените“ останува жив споменик на историјата и достоинството на нашиот народ, а соработката меѓу Македонија, Србија и Босна и Херцеговина низ овој проект создава културен мост што ги поврзува народите. Им честитам на организаторите и соработниците што со оваа изложба му оддаваат вистинска почит на авторот и неговото вечито дело -порача прилепскиот градоначалник Јовчески.
