Коњановски и Бојкоски денеска во Битола присуствуваа на регионалната работилница за Пелагонискиот плански регион
Денес градоначалникот на Битола, Тони Коњановски, присуствуваше на регионалната работилница за Пелагонискиот плански регион со која Министерството за култура и туризам го продолжува процесот на изработка на Стратегија за развој на туризмот на Македонија за период 2027 – 2032 година. На работилницата учество зедоа претставници на Општините од овој регион, како и претставници од јавниот, невладиниот и приватниот сектор.
“Во моето поздравно обраќање истакнав дека како град со големо културно и историско наследство, Битола има капацитет да напредува во сите областа, вклучително и туризмот, кој пак ја афирмира нашата Општина, но во исто време има свое влијание и врз подобрувањето на економската слика. Како Општина големо внимание посветуваме на патната инфраструктура што е многу важна и за туристите, а изградбата на автопатот од Прилеп кон Битола ќе има сериозно позитивно влијание врз подобрување на туристичката слика за нашиот град.
Од страна на ангажираните експерти за изработка на новата Стратегија за развој на туризмот беа презентирани клучните наоди од претходно спроведената анализа на состојбата на туризмот во овој регион и заклучоците од истата.
Учесниците на работилницата дискутираа за наодите од анализата, а преку образецот со податоци даден им е простор за свои коментари, забелешки, предлози кои ќе бидат земени предвид во понатамошниот процес на подготовка на Стратегијата.
Предмет на истражување е туристичката побарувачка, пазари и трендови, потоа туристичката понуда, економските ефекти и организација и менаџмент со туризмот” – истакна Коњановски.
