“Вљубените” го слават св.Валентајн, меѓутоа тоа не е наш православен празник!
Денеска, 14 февруари слават оние “пијани” од љубов, меѓутоа битно е да се напомене дека св. Валентајн, не е наш православен празник. Ако сакате да ја славите љубовта, тогаш тоа се прави на 30-ти септември кога е празникот Вера, Љубов и Надеж.
Денеска, гледано од христијанска гледна точка се слави христијански празник св. Трифун, а истиот го слават оние “пијани” од вино и ракија. Името на светецот доаѓа од грчкиот збор τρυφή што значи мекост, нежност, деликатност. Св. Трифун е ранохристијански маченик кој денес е почитуван како од Православната на Исток, така и од Римокатоличката црква на Запад.
