Вчера вечерта граѓаните преку протест порачаа: „Вратете ѝ ги боите на Фросина“
Илјадници граѓани вчера вечерта во Скопје на мирен протест, побараа „правда за Фросина“.
Протестот започна на местото каде што беше прегазена Фросина, а потоа продолжи преку Собранието и Јавното обвинителство, па се до Кривичниот суд. Таткото на Фросина, Тодор Кулаков, на крајот се заблагодари на поддршката од граѓаните при што истакна:
–Сакам да ми верувате, дека да не беше притисокот од јавноста, случајот Фросина веќе ќе беше ставен во фиока – нагласи тој.
На вчерашниот протест под мотото „Кој е следен?”, граѓаните порачаа „Вратете ѝ го боите на Фросина“. Навистина е жално што оваа 22-годишната девојка беше прегазена на пешачки премин од страна на Васил Јованов од Скопје, кој возел без возачка дозвола во алхохолизирана состојба возеќи на црвено, додека Фросина уредно си поминувала на пешачки премин.
