Прилепската публика ќе ужива во настан за паметење! MTV The Greatest Hits Volume во НУЦК Марко Цепенков
За сите љубители на забавната музика, особено оние кои ги преферираат ретро музичките хитови, НУ Центар за култура „Марко Цепенков“ – Прилеп нуди уникатна можност за уживање во најпопуларните песни од MTV кои ги одбележаа ’80-те и ’90-те години од минатиот век, овој пат во автентичен аранжман и изведба на Битолскиот камерен оркестар.
Публиката ќе има привилегија да се забавува на звуците и најпознатите рефрени од златната доба на поп-музиката, во нови аранжмани на оркестарот придружен од врвни вокали и бенд.
Влезници за концертот можат да се набават секој работен ден од 10-13 часот и од 18-20 часот, во сабота од 11-14 часот, од билетарата на НУЦК „Марко Цепенков“ по цена од 400 денари.
Проектот MTV The Greatest Hits 80s & 90s на Битолскиот камерен оркестар доживеа одличен успех со концерти во градови ширум цела Македонија, но и надвор од нејзините граници. Главната движечка идеја и мисија на овој музички концепт е приближување на музичката класика и популарната култура, а со тоа и издигнување на македонската музичка сцена и култура на едно повисоко ниво на квалитет.
