ПРИЛЕП ИМА СО ШТО ДА СЕ ГОРДЕЕ: Елена Дејкоска освои бронза на Балканското првенство во Романија
Прилепчанките Ангела Трајкоска, Тамара Цветаноска и Елена Дејкоска моментално се во Букурешт, каде се одржува Балканското првенство во борење. Имено, овие девојки се три репрезентативки на У 15 репрезентацијата во борење на Македонија. Селекторот на оваа женска репрезентација е нашиот докажан прилепчанец Илчо Марковски.
Ангела Трајкоска на ова Балканското превенство во Букурешт го освои високото второ место, и освои сребрен медал.
Меѓутоа денеска пристигна уште една убава вест, а тоа е дека и Елена Дејкоска освои бронза на оваа Балканско првенство во Романија, со што уште еднаш се потврди дека градот Прилеп е расадник на спортисти!
