Чонески со моќна порака до крушевчани: Победата не е моја, таа е на сите нас! Сите заедно победивме со желбата Крушево да биде поубаво и попросперитетно место за живеење
Како што синоќа ПРВИ соопштивме, граѓаните од Општина Крушево вчера го одлучија победникот на Локалните избори во оваа општина. Според гласовите во вториот круг, Нико Чонески кандидатот од ВМРО ДПМНЕ е официјално новиот градоначалник на Општина Крушево. Чонески, веднаш по победата се обрати до своите сограѓни со искрена – моќна порака во која се вели:
“Драги мои крушевчани, вечерашната победа не е моја, таа е на сите нас! Сите заедно победивме со желбата Крушево да биде поубаво и попросперитетно место за живеење, но и попривлечно за посетување! Од утре ќе работиме на она кое го ветивме во текот на изборната кампања, но и на многу повеќе од тоа.
Победата ми е особено драга бидејќи одлучија малку гласови, а тоа е уште еден доказ дека СЕКОЈ ГЛАС Е ВАЖЕН. Во иднина, кога ќе го видите Крушево какво сакаме да биде-ЕСНАФСКО, сетете се дека токму вие пресудивте! И јас ќе се сетам на тоа и ќе ја оправдам вашата доверба. Ви ветувам ревизија на досегашното работење во општината и институциите и ветувам дека ќе имате градоначалник за сите луѓе, за сите проблеми и градоначалник кој нема да користи службено возило, дневници и репрезентации. Вечерва е време да прославиме, од утре е време за акција!” – истакна Чонески во своето обраќање веднаш после победата во Крушево.
