“Весел театар by BALADA” денеска на Светскиот ден на детскиот театар со претстава во Охрид!
“Весел театар” не е само обичен театар како некои други, тоа е театарски тим во кој се вклучени: професионални костимографи, 4 педагошки лица кои работат при изработка на сценариото на претставите, а песните за детските музички претстави се снимаат во професионално музичко студио. Зад музичката обработка на театарските песни стои докажан музички тим: Гоце Балада и Рубин Димкоски од групата МЕМОРИЈА, докажан тандем кој во последниве години во етер има пуштено над 120 детски музички песни за фестивали, мјузикли за деца и театарски претстави. Вечерва, “Весел театар” – Прилеп по повод Светскиот ден на детскиот театар на покана и покровителство од Општина Охрид, ќе одржи детска театарска претстава за сите охриѓанчиња во Охрид Мол.
Оваа интерактивна форма на театар им помага на децата да ги разберат своите права, вклучувајќи го и правото на учество во културни и уметнички активности, и им овозможува да се чувствуваат значајни и слушнати!! На ваков начин, претставите од “Весел Театар” ги пренесуваат суштинските пораки на нивните претстави, и креираат еден интерактивен културен простор за сите генерации.
Весел театар- познат детски бренд благодарение на своите квалитет и креативност, годишно има над 150 настапи низ цела Македонија (театарски сали, Центри за култура, градинки, Трговски центри и молови, корпоративни забави…).
Прилепскиот “Весел театар” и 2025 година ја заврши со огромен успех ! “Весел театар” – Прилеп годината ја заврши со над 150 одиграни претстави во театри, центри за култура, градови, градинки, молови, плоштади… Претходната 2025 година настапија во Скопје, Прилеп, Охрид, Велес, Куманово, Крушево, Битола, Делчево, Штип…
Дел од “Весел театар by Balada” се актери, професионални актери, професионални костимографи…. И оваа година овој познат театар, одржа голем број на театараски претстави за деца, стенд-ап шоу/а за возрасни, комични претстави и што ли уште не! За квалитетот на “Весел театар” говорат и голем број на професионални актери и директори на Центри и домови за култура низ Македонија кои ги поддржуваат претставите на “Весел театар by BALADA”!!!
