ТЕШКО НА УЧЕНИЦИТЕ: Наставата ќе започне со доцнење на учебниците за прво, второ, четврто и петто одделение
Наставата во училиштата во новата учебна 2022/2023 година ќе започне задутре на 1 септември за околу 255 илјади основци и средношколци. Меѓутоа, во оваа наша чудесна земја се е можно, па како резултат на тоа наставата ќе започне со доцнење на учебниците за прво, второ, четврто и петто одделение.
За сите други oстанати одделенија, за кои важат старите наставни програми, вклучувајќи го тука и средното образование, учебниците ќе бидат навремено доставени. За учениците од второ и од петто одделение, ќе има нови наставни програми врз основа на Концепцијата за основно образование која се спроведува етапно уште од минатата година.
