Нека е аирлија! Во Битола во ОУ „Стив Наумов“ започна изградбата на типска спортска сала
Сподели го ова:
Денеска битолскиот градоначалник Тони Коњановски го посети основното училиште „Стив Наумов“ каде започна изградбата на типската училишна спортска сала која ќе биде на површина од 650 м2.
Објектот е наменет за спортски и рекреативни активности во мали спортови како кошарка, одбојка, гимнастика, ракомет, пинг понг и други спортови поврзани со училишното образование.
Објектот ќе има две секции, едната за помошни простории ( соблекувална, канцеларија и тоалети), а другата секција е фискултурна сала со димензии 15 на 30 метри и висина 7,6 метри.
Вкупната вредност на проектот е 48.297.406 денари и се средства од вториот владин повик преку Министерството за образование и наука, а дел од нив од буџетот на Општина Битола.
Сподели го ова:
