Вечерва во Битола – музика, глума и танц! Во форма на мултимедијален сценски спектакл, ќе биде раскажана приказната за 35 години Независност на нашата татковина
Сподели го ова:
Со големо задоволство споделуваме дека караванот со музичко-сценскиот спектакл „Силно светнал ден”, по повод 35 години независност на Македонија, на 11 август пристигнува во Битола, на платото на Офицерски дом, со почеток во 20:30 часот.
Преку музика, глума и танц, во форма на мултимедијален сценски спектакл, ќе биде раскажана приказната за 35 години независност на нашата татковина, истакнувајќи ги најзначајните историски моменти, подемите, предизвиците и достигнувањата од изминатите три и пол децении.
Во пресрет на 8 Септември, кој годинава го одбележува големиот јубилеј – 35 години независност, ќе се реализира музички караван со настапи на познати македонски изведувачи и актери во 11 градови низ државата.
Сподели го ова:
