Проданоски: Со настапи на три различни локации низ градот, младите музички таленти им приредија прекрасно музичко доживување на прилепчани
Успешно се реализираше првиот ден од концертите на отворено во организација на ООМУ „Ордан Михајлоски – Оцка“ од Прилеп.
Со настапи на три различни локации низ градот, младите музички таленти им приредија прекрасно музичко доживување на прилепчани и уште еднаш покажаа дека Прилеп има млади луѓе со исклучителен талент, креативност и љубов кон уметноста.
Овој прекрасен настан донесе музика на отворено достапна за сите граѓани, создавајќи убава атмосфера, позитивна енергија и вистинско уживање во центарот на градот. Ваквите настани се од особено значење бидејќи претставуваат и промоција на трудот, посветеноста и успесите на нашите најмлади музичари.
Честитки до сите ученици и наставници за успешните настапи и за одличната организација.
Продолжуваме да ја поддржуваме културата, младите таленти и настаните кои го разубавуваат секојдневието во Прилеп!
