Велковски за пензионерите: Вие сте ја граделе оваа држава и не смеете да бидете оставени на цедило, заслужувате достоинствени пензии
Министерот Ѓоко Велковски во рамките на теренските посети на Центрите за социјални работи кои периодов ги посетува, ги посети Центрите во Валандово и Гевгелија, а еве што точно од таму му прача на пензионерите:
“Ги знаеме нивните барања и сигурен сум дека ќе има решение за истите. Дури 220.000 пензионери се со под 20.000 денари пензија. Така да тоа е две третини од вкупниот број на пензионери во државата кои што за жал примаат под 20 илјади пензија. Алармантна е навистина состојбата и ќе излеземе во пресрет на нивните барања коишто ги доставуваат до нас..
Пензиите коишто ги земате не се доволни. Тоа го знам, тоа верувам дека е така и тоа секој еден пензионер којшто ќе го сретнам ми го кажува дека пензиите не стигнуваат ни за 15 дена од месецот. Вие сте ја граделе оваа држава и не смеете да бидете оставени на цедило. Заслужувате да имате достоинствена старост, да имате достоинствени пензии за вас и за внучињата. Во наредниот период мораме да работиме на системска правичност која нема да зависи од било какви политички одлуки” – истакна Велкоски.
