Вчера вечерта, Битолскиот народен театар со претставатa “Црно семе” ја воодушеви прилепската публика
Вчера вечерта, Битолскиот народен театар во Прилеп приреди театарска ноќ за паметење со претставата „Црно семе“ од Ташко Георгиевски, а во режија на Андреј Цветановски. Претставата е дел од официјалната програма на 59-тиот МТФ “Војдан Чернодрински” – Прилеп.
Битолскиот народен театар со оваа претставатa ја воодушеви прилепската публика, која ги награди актерите со громогласен апалуз. Претставата целосно ја долови и претстави трауматичната приказна на Македонците затворени на еден пуст остров во Егејското Море, овој пат низ драматизацијата на Јелена Цветановска и режијата на Андреј Цветановски, е прикажана на мошне сликовит и сценичен начин, особено со ефективната актерска игра на целиот ансамбл вклучен во претставата. Актерите покажуваат на кој начин може да се покаже трагичната судбина без нагласена патетика, намерно прикажувајќи ја и интимната и суптилна страна на поединечните човечки судбини.
Човекот, неговото интимно страдање во однос на политичкиот контекст овде ја прикажува храбрата слика на сплотувањето во колективното и резултатот на личната борба наспроти општествената. Може да се заклучи дека претставата нуди една емотивно внимателна вивисекција на страдањето создавајќи моќна театарска слика.
