Три кандила од Бигорски, ќе горат во Ерусалим на гробот на Пресвета Богородица
Tри сребрени кандила од Бигорскиот Манастир, ќе горат на гробот на Пресвета Богородица во Ерусалим.
“Сега би сакале да ја изразиме својата голема и света благодарност кон мајката наша Богородица со еден скромен подарок за Нејзиното најголемо светилиште. Имено, уште при нашето сослужение во Гетсиманија, посакавме и ветивме да даруваме три сребрени кандила за светиот гроб на Мајката на Животот, како што е древен обичај таму. Но еве, денеска, според Божјата неиспитлива промисла, Богодорица нè удостојува да му ги предадеме лично на Нејзиниот верен и добар слуга и работник, игуменот на светата Гетсиманија, високопреосвештениот митрополит г. Јоаким. Овие сребрени кандила со позлата, обележани и со иницијалите на сесветиот гроб Христов, односно со логото на знамето на Божигропското братство на Ерусалимската патријаршија, се наш мал прилог на благодарност за преголемата светиња на Пресвета Богородица” – истакна епископот атаниски, Партениј.
