Тие се наша прилепска гордост! 60 учесници на годинешниот “Пијано маратон”во организација на Музичкото училиште во Прилеп
Денес, на Светскиот ден на пијаното, со голема радост го проследивме пијано маратонoт во организација на основното музичко училиште Ордан Михајлоски-Оцка – настан кој го слави трудот, талентот и посветеноста на младите музичари!
Светскиот ден на пијаното го одбележавме со успешен пијано маратон! Денес, 60 ученици од нашето училиште се претставија со своите изведби, покажувајќи талент, посветеност и љубов кон музиката. Честитки до сите учесници за одличните настапи! – порача директорката на музичкото училиште во Прилеп, Мартина Пашоска.
Локалната самоуправа и понатаму ќе биде ваш силен поддржувач, затоа што само заедно можеме да ги подобруваме условите за учење и да им овозможиме на овие талентирани деца да ја развиваат својата музичка дарба. Продолжуваме да создаваме можности за уметноста да живее во Прилеп! – нагласи прилепскиот градоначалник Борче Јовчески.
