Прилепската болница денеска беше преполна со искрени срца кои донираа медицински апарат за следење на виталните параметри на предвремено родените бебиња
Денес во Прилеп беше одбележан Светскиот ден на предвремено родените деца, ден посветен на најмалите борци и на сите хумани луѓе, медицинари и семејства кои секојдневно се грижат за нивниот живот и иднина.
На неонатолошкото одделение при Општата болница Прилеп денес беше дониран пациент-монитор, медицински апарат од огромно значење за следење на виталните параметри на предвремено родените бебиња, особено при нивен транспорт.
Оваа донација е несебичен гест на Унијата на жени на ВМРО–ДПМНЕ Прилеп, поддржана од многу други членови и граѓани кои се приклучија кон иницијативата.
Во име на Општина Прилеп, упатувам искрена благодарност до Унијата на жени, до сите хумани компании и до граѓаните кои помогнаа оваа акција да добие вистински хуманитарен карактер. Голема благодарност и до медицинскиот персонал од неонатолошкото одделение, кои со својата стручност, посветеност и човечност секој ден се борат за здравиот почеток на најранливите. Посебно признание заслужуваат и мајките за иницијативата, кои што веќе шест години со љубов и истрајност ја одржуваат оваа акција и инспирираат многумина.Како човек и како градоначалник, уверувам дека сè што се однесува на подобрување на демографската слика во нашата општина, како и унапредување на условите за предвремено родените деца, ќе остане наша сериозна обврска и приоритет. Општина Прилеп ќе продолжи да ги поддржува ваквите иницијативи и да создава подобри услови за сите деца, особено таму каде што е најпотребно – порача прилепскиот градоначалник Дејан Проданоски.
