Прилепчанецот Димитар Димески го напиша новиот учебник за историја наменет за учениците од 7-мо одделение

Сподели го ова:














Со доаѓањето на новата учебна година, се прават и последните подготовки за успешен почеток на учебната 2024/2025 година. Учебниците веќе се дистрибуираат до директорите на училиштата, а помеѓу тие учебници е учебникот по историја за 7-мо одделение, кој го напиша нашиот прилепчанец м-р Димитар Димески.

Преку примената на овој учебник напишан од страна на Димески се очекува учениците од 7-мо одделение низ целата наша земја, да се стекнат со потребните знаења по историја, бидејќи како велат “една земја која нема историја – нема минато, а ќе нема ниту иднина”, а нашата земја е богата со огромна историја која не треба да се заборави!

Дека учебниците навремено се дистрибуираат до училиштата, потврди и министерката за образование која истакна:

:Повеќе нема да доцнат одговорите на барањата и исплатата на финансиската поддршка за учество на ученици на престижни меѓународни натпревари. Ги менуваме негативните практики воспоставени од претходните раководни структури на институцијата.

Сакам да информирам дека изминатите два месеца, исплативме парични награди во износ од 1,4 милиони денари на 15 ментори на ученици кои освоиле медал на меѓународни научни олимпијади во 2022 година. Цели две години никој не се погрижил да им го надомести стекнатото право на наставниците.

Минатата недела на сметките на 16 ученици, исплатени се 276 илјади денари по основ на освоени награди на меѓународни олимпијади, десетта и единаесетта месечна рата. Исто така, исплатен е заостанат долг од 430 илјади денари по основ на парични награди за ученици и наставници ментори кои освоиле прво место на државни натпревари во 2023 година.

Денеска потпишав и прифаќање на две пристигнати барања за покривање на патните трошоци на учениците и наставниците ментори кои учествуваа на Европската јуниорска олимпијада по информатика и на Јуниорската балканска математичка олимпијада. Родителите на учениците со право реагираат дека досега не добиле никаква поддршка од државата, иако дел од овие ученици редовно учествуваат и освојуваат награди на престижни натпреварувања.

Министерството станува партнер на талентираните ученици. Наместо незаинтересираност, институцијата покажува проактивност за стимулација, финансиска и логистичка поддршка на младите кои учествуваат на меѓународни научни олимпијади и натпревари, за да постигнуваат уште подобри резултати” – истакна министерската за образование Весна Јаневска.


Сподели го ова:

Слични објави