ФК „Победа“ денеска во 15:00 часот на градскиот стадион „Гоце Делчев“ ќе го пречека тимот на “Кожуф” од Гевгелија
Екипата на Прилепска “Победа” моментално се наоѓа на втората позиција во “Втората македонска фудбалска лига во источниот регион”. Имено, Прилепска Победа е еден од најголемите конкуренти за првата позиција, а со самото тоа и враќање во првата лига. ФК „Победа“ денеска во 15:00 часот на градскиот стадион „Гоце Делчев“ ќе го пречека тимот на “Кожуф” од Гевгелија. Велешанецот Иванов ќе го суди денешниот меч со Кожуф, а Никола Иванов од Велес е делегиран како главен судија за овој фудбалски натпревар од 19 коло на Втората лига-Исток Победа-Кожуф, кој ќе се игра денес на Градскиот стадион „Гоце Делчев“ во Прилеп. Ќе му помагаат сограѓаните Петар Новачев и Александар Ајдаров, а 4-ти судија ќе биде прилепчанката Ирена Велевачкоска. Делегат на натпреварот ќе биде Гоце Цветаноски од Демир Хисар а контролор на судењето Миле Стојчевски од Скопје.
