Еве кога во Прилеп ќе биде огнометот и импровизираниот напад на прилепскиот участак по повод “11-ти Октомври”
Следната недела отпочнува официјалната програма на општина Прилеп по повод 11-ти Октомври. За сите оние наши читатели кои што се обратија до нашиот информативен тим во однос на тоа кога на 10 октомври ќе започне импровизираниот напад на градот по повод празникот 11-ти Октомври, “stanica.mk” соопштувa дека според официјалната програма на Општина Прилеп импровизираниот напад на градот и спектакуларниот огномет ќе започнат веднаш после говорот на прилепскиот градоначалник, односно во 19:40 часот.
На 11 октомври 1941 година во Прилеп,со нападот на Участакот, започна вооруженото востание на македонскиот народ. “Могилата на непобедените”, како еден од најмонументалните споменици во кој се погребани посмртните останки на повеќе од 650 борци од овој крај претставува значајно сведоштво за масовното и пожртвувано учество на луѓето од овој крај во ослободителната војна.
