Денеска е Задушница! Вечен спомен на сите оние кои пред нас се преселиле во вечноста
Денеска, православните христијани ја одбележуваат Задушница како сеќавање на починатите, а утре го празнуваат Духовден – Педесетница – Слегувањето на Светиот Дух. Задушница секогаш се паѓа во сабота, и претставува ден што црквата го одредила за помен и молитва за упокоените.
Црквата и црковните обичаи пропишале повеќе посебни денови – задушници, и тоа четирипати годишно. На овие денови верниците се молат за покој на душите на починатите.
На Задушница се посетуваат гробиштата каде што со молитва, пченица и пеено лепче осветено со црвено вино, се изразува помен за починатите.
