Дел од Охриѓани ги зголемија цените за престој за скоро 100%
Охрид последниве десетина дена е преполн со туристи, а овој продолжен викенд направи тотален хаос од гужви на плажите и сместувачките капацитети. Кога сме кај сместувачките капацитети, мислам дека охриѓани малку повеќе претераа со цените за овој викенд. Врз основа на тоа што се бара легло повеќе, дел од приватните капацитети во Охрид цените ги зголемија за најмалку 100%, при што ако за еден скромен апартман би платиле околу 1500 денари, сега за истиот само за овој викенд би платиле од 2800 денари па се до 50 евра-само за една ноќ. Голем број на читатели се обратија до нашиот портал за да го искажат својот револт во однос на цените кои ги нудат приватните сместувачки капацитети за овој продолжен викенд. Како што велат граѓаните “Охриѓани сега начекаа, па ќе условуваат и енормно ќе ги накачуваат цените”. А што се однесува до поголемиот дел од рестораните во Охрид, во однос на кафето и храната тие нудат цени кои се поскапи дури и од цените во Будва, па затоа ако Ве заморува долгиот пат до море во Будва, тогаш дојдете во Охрид, и ќе се почуствувате исто како на море-кога се во прашање цените кои ги нудат поголемиот дел од рестораните во Охрид во однос на храна и пијалоци.
