Чонески: Да продолжиме да градиме општество во кое секоја жена ќе има еднакви можности, почит и простор да го покаже својот потенцијал
Денес е меѓународниот ден на жената – 8 Март, денот кога се одбележува борбата на жените за економска, политичка и социјална рамноправност со мажите. По повод денешниот празник, крушевскиот градоначалник Нико Чонески упати честитка до понежниот пол во која се вели:
“Нека е честит 8 Март – Меѓународниот ден на жената!
Денес оддаваме почит и благодарност на сите жени за нивната сила, храброст и истрајност.
Жените се столбот на семејството, двигател на општеството и значаен дел од секоја институција и заедница.
Со својата посветеност, мудрост и грижа тие секојдневно придонесуваат за подобар, поправеден и похуман свет.
Да продолжиме да градиме општество во кое секоја жена ќе има еднакви можности, почит и простор да го покаже својот потенцијал” – порача Чонески.
